近日大量貓奴化身成小精靈訓練員忽略咗家中的貓咪,亦因為咁佢地決定搞革命!係 2.4米高的巨型毛毛貓帶領下,大批貓咪入侵朗豪坊,誓要捕捉各位愛貓之人的心。我依莉詩今日就去咗試探軍情啦!
必影 1:巨型毛毛貓咪療癒
未入到喵民遊樂園,已經見到 2.4米高的巨型毛毛貓首領坐定定係度向係招手。望到佢的肉球咁可愛,係咪引唔住想比佢摸下呢?
▲ 毛毛貓的肥 pat pat 都一樣咁萌架。真係好想坐上佢背脊呢!
必影 2:日和招財貓風呂
樂園左手面係由 6隻貓咪駐守的招財貓風呂,無論屋前、屋頂定風呂內都充滿貓咪,引誘貓奴同佢地一齊浸溫泉。另外,風呂屋後面有超好玩的自拍機,只要企係鏡頭前,你就會同化成一隻可愛貓咪,拍一段有趣的貓片。
▲ 風呂屋上面有大大隻招財貓守護。
▲ 屋內仲有貓咪陪你浸溫泉,睇佢個樣幾疏乎!
▲ 呢隻貓咪好似好想浸埋一份啊!
▲ 鍾意乾淨的貓咪同我地一樣,浸溫泉之前都要先沖身。
▲ 唔知呢隻貓咪搵緊咩呢?
▲ 呢隻貓咪好似好怕羞咁波。
▲ 風呂屋後面有部超好玩的自拍機,只要企係鏡頭前,你就會同化成一隻可愛貓咪,拍一段有趣的貓片。
▲ 上載自己的貓片上 Facebook 仲會得到萌爆的喵民肉球扇,搖動時好有貓咪捕捉昆蟲的動感呢!
必影 3:Tiffany blue 歐洲貓 Café
穿過財貓風呂屋,到達一間以 Tiffany blue 為主色的歐洲貓 Café ,沉醉係如斯醉人的氣氛中,入面的貓貓亦變得高貴起來。你可以坐係梳化,享受被貓包圍的感覺,又可以到露台同貓咪享受精緻的英式下午茶,實在係賞心樂事。
▲ Café上有隻高貴的白貓正巡視業務。
▲ 係露台同貓咪享受精緻的英式下午茶,實在係賞心樂事。
▲ 呢隻貓咪對 cupcake 好好奇咁。
▲ 胃食的貓咪對三重架上的甜品虎視眈眈。
▲ Café 的貓咪係坐定定係梳化等你摸佢。
▲ Café 內採用咗 AR 技術,只要係坐係梳化上面,螢幕就會出現 5隻貓咪會走到你身邊逗你玩,十分有趣。
必影 4:香港懷舊士多報攤
知道呢個貓樂園咁好玩,人氣的忌廉哥都嚟襯熱鬧,仲做番老本行,開設咗懷舊士多兼報攤,售賣各式各樣的貓零食。
▲抬頭望上去有隻貓爪同你 say hi。
▲ 士多後門原來係充滿懷舊味道的砵蘭街,有兩隻貓咪係雪糕櫃上抖涼。
▲ 報攤下仲有用羊毛氈針織手作打造的1:1立體尖東「忌廉哥」坐陣。 ▲ 玻璃罐入面的零食好精緻,入面的肉球花塔餅好得意呢!
▲ 醉貓米酒可以話係店內名物呢!
▲ 12歲以下的小朋友仲可以免費玩呢個小喵民懷舊潮玩投幣搖搖機,超有童年回憶。
▲ 嚟得呢個展覽應該都係愛貓之人,除咗影相位之外,報攤內發起了一個捐貓罐頭比流浪貓的活動,首 1000個捐贈者可以得到忌廉哥襟章一個。如果係 8月5日忌廉哥生日正日首 100位捐贈者更會收到 忌廉哥 cupcake 添!
必買貓精品帶回家
雖然今次唔係卡通人物,不過 7樓仍然有 pop-up store 售賣各式各樣的貓精品。唔同種類的貓都有,而且價錢有平有貴,各位貓奴一定要去搶購啊!
▲ 饅頭貓雖然唔多出名,不過個樣夠傻夠可愛,而且大公仔的價格都算親民,送俾女朋友應該都幾得! (大 $268、中 $128 、細 $98)
▲ 雖然唔知點解,但呢隻達摩達洋咕臣就係有雒吸引力,眼見唔少人係度搶購。($168)
▲ 呢個西班牙風 Baby 手提袋係貴咗少少,不過 D 料唔差,圖案都印得好精細。 ($1200)
▲ 香港版就有忌廉哥做代表,呢個雙面防水袋內外都有圖案,夠晒特別。 ($168)
▲ 呢個紙巾盒打開入面係鏡,又靚又實用。 ($325)
▲ 貓尾短襪超得意,買咗應該未必捨得著呢! ($55)
▲ 皮製的貓之肉球卡片套 ($360)同貓之肉球散紙包 ($340) 型得嚟,圖案都幾可愛架!
▲ 仲有文具控大愛的貓貓圖案膠條添! ($40)
依莉詩:「原來無卡通人物都可以咁萌咁療癒!」
平時商場多數用卡通人物去吸引人流,今次用貓咪做主題,我起初都擔心會好流。不過到場又覺得 D 影相位幾吸引,貓咪分佈係唔同的角落,十分療癒,而場內佈置得幾精緻,士多內的食品甚至有埋有效日期,好有趣呢!特別要讚的事,今次除咗普通影相位,每個佈景都有少少互動攝影位,咁就唔怕張張都一樣啦!
超療癒 #HappyMEOWment 喵民遊樂園
日期:2016年 8月4日 至 9月4日
地點:朗豪坊4樓通天廣場及 7樓Pop-up Store
分享到 :
最新影片
![](https://cdn.unwire.hk/wp-content/uploads/2024/09/iphone16_d_web2-694x390.jpg)